Навіны : Экскурсія ў Гомель і Ветку

Беларускі экскурсійны партал Ekskursii.by запрашае ўсіх на экскурсію Гомель-Ветка, якая адбудзецца 10 чэрвеня 2017 г. Экскурсія пазнаёміць Вас з адным з самых старажытных гарадоў Беларусі - Гомелем, які ўзнік у канцы 1-га тысячагоддзя н.э. і унікальным мястэчкам Ветка - былым найбуйнейшым цэнтрам пасадскага стараверства на беларускіх землях.

Аглядная экскурсія па Гомелі пазнаёміць Вас са славутымі месцамі горада, яго архітэктурным абліччам, асноўнымі помнікамі, а таксама яго гістарычным цэнтрам. Падчас экскурсіі Вы наведаеце Палац Румянцавых-Паскевічаў - адзін з самых старажытных помнікаў культуры Беларусі XVIII-XIX стагоддзяў, з гісторыяй якога звязана жыццё і дзейнасць выбітных людзей Расійскай імперыі - дзяржаўных дзеячаў, князёў Румянцавых і Паскевічаў. Таксама падчас экскурсіі Вы зможаце ўбачыць якія захаваліся элементы гістарычнага ландшафту гарадзішча сярэднявечнага Гомеля, Зімовы сад - помнік архітэктуры XIX стагоддзя, створаны з аранжарэі ў 1877 годзе па загаду князя Ф. І. Паскевіча, чыгуначны вакзал і Прывакзальную плошчу.

Пасля агляднай экскурсіі па Гомелі Вы адправіцеся ў Веткаўскі раён. Калісьці ў гэтым рэгіёне праходзіла мяжа старажытных княстваў, дзе пастаянна сустракаліся заходняя і ўсходняя славянскія культуры. Тут жа ў XVII стагоддзі аселі стараверы. Экскурсія пройдзе па месцах, звязаных з жыццём, культурай, звычаямі і традыцыямі старавераў. Вы наведаецеВеткаўскі музей стараверства і беларускіх традыцый ім. Ф.Г. Шклярава, дзе даведаецеся аб стараверскіх традыцыях іканапісу, старажытных спосабах афармлення рукапісных кніг, а таксама пазнаёміцеся з самабытнай школай Веткаўскай разьбы.