Навіны : V фестываль гістарычнай рэканструкцыі Эпоха рыцарства ў Строчыцах
V фестываль гістарычнай рэканструкцыі Эпоха рыцарства ў Строчыцах
15-Мая-2019
Беларускі дзяржаўны музей народнай архітэктуры і побыту «Строчыцы» супольна з Беларускім экскурсійным парталам Ekskursii.by запрашаюць Вас на V фэст гістарычнай рэканструкцыі «Эпоха рыцарства», які адбудзецца 1-2 чэрвеня 2019 года на тэрыторыі музея.
У праграме фэсту:
- відовішчныя спаборніцтвы закаваных у даспехі рыцараў,
- масавыя баі пешых рыцараў (бугурты),
- турнір конных рыцараў,
- турнір алебардыстаў,
- турнір сярэднявечных лучнікаў,
- рыцарскі лагер,
- кірмаш рамеснікаў,
- катанне на конях і поні,
- выступленні сярэднявечных музыкантаў,
- выступленні вулічнага тэатра,
- выступленні танцавальных калектываў.
Адчуць увесь размах фэсту і азнаёміцца з яго фрагментамі Вы зможаце паглядзеўшы новы фільм «Строчыцы - фэст «Эпоха рыцарства», Экскурсіі па Беларусі», загружаны на YouTube канале беларускага тураператара ПНВУП «Аўтаматызаваныя тэхналогіі турызму».
Стаць сведкам унікальнай гістарычнай рэканструкцыі «Эпоха рыцарства» можа кожны! Прыходзьце! Будзе, як заўсёды, па-свойску!