Фестываль лазэртагу «Зарніца 2018»

Фестываль лазэртагу «Зарніца 2018»

Найбуйнейшы ў Беларусі фестываль лазэртагу «Зарніца 2018» збірае сяброў у 5 км ад Ракава! Арганізатары – клуб ваеннага лазэртагу «Палігон Б7» і абласная спартыўна-аздараўленчая база «Галактыка».
Лазэртаг – гэта высокатэхналагічны від адпачынку, спалучаны з незабыўнымі, яркімі баталіямі. У ходзе гульні тут не выкарыстоўваюцца боепрыпасы, здольныя траўмаваць гульцоў, усе баі вядуцца пры дапамозе абсталявання, выпраменьвальнага бяспечныя інфрачырвоныя прамяні. Трапленне рэгіструецца сістэмай датчыкаў, якія знаходзяцца ў гульцоў. Бяспека, дынамічнасць, прастата выкарыстання абсталявання і разнастайнасць сцэнарыяў робяць лазертаг прывабным і для дзяцей, і для дарослых.
На фестывалі «Зарніца 2018» кожны жадаючы зможа паспрабаваць сябе ў самых разнастайных відах лазэртагу, выкарыстоўваючы мноства відаў абсталявання.

Месца: Мінская вобласць, Валожынскі раён, база адпачынку «Галактыка» (Ракаў)
Час: 26 -27 мая 2018 года