Фестываль беларускай міфалогіі «У госці да Лепельскага Цмока»
Фестываль беларускай міфалогіі «У госці да Лепельскага Цмока»
17 жніўня 2019 года ў г. Лепель пройдзе традыцыйны фестываль беларускай міфалогіі «У госці да Лепельскага Цмока». Лепельскі Цмок з'яўляецца вядомай міфалагічнай істотай, апісанай беларускім пісьменнікам У.Караткевічам ў сваіх творах. У кнігах У.Караткевіча Цмок жыў у Лепельскім возеры. Дзякуючы намаганням мясцовых энтузіястаў некалькі гадоў таму Лепельскі Цмок стаў рэгіянальным турыстычным брэндам, а ў гонар міфалагічнага героя ў Лепелі быў усталяваны помнік на беразе возера.
У 2019 годзе ўжо ў шосты раз пройдзе фестываль «У госці да Лепельскага Цмока», падчас якога адбудуцца выступы беларускамоўных творчых калектываў Рэспублікі Беларусь розных жанраў, якія прадставяць нацыянальную культуру краіны. Будуць арганізаваны выставы народнай творчасці, майстар-класы па традыцыйных рамёствах і кірмашы-продажы.
Месца: г. Лепель, Віцебская вобл.Час: 17 жніўня 2019 года