Народны карнавал Конікі ў Давыд-Гарадку

Народны карнавал Конікі ў Давыд-Гарадку

Народны карнавал, у які пагружаецца ўвесь палескі гарадок на беразе Гарыні. Невядома з якіх даўніх часоў у Давыд-Гарадку на Шчодры вечар праводзіцца дадзены абрад, але такога сапраўды больш нідзе няма. Галоўны персанаж карнавалу - ні Каза, а Конь. Яго робяць з двух лазовых круглых кошыкаў, прыбітых да каркаса з дошак або палак, галава з валёнка, абабітая белай тканінай і размаляваная, хвост з лёну. Каня суправаджаюць Дзед і Баба, Мядзведзь, Воўк, Баран, Ліса і Заяц, Чорт і Баба Яга, Цыган і Цыганка з дзіцем, Смерць з касой, Астролаг.

13 студзеня пасля абеду ўдзельнікі «Коніка» збіраюцца ў якой-небудзь хаце і пераапранаюцца ў карнавальныя касцюмы. «Конік» з вершнікам, музыкі і іншыя персанажы са смехам і музыкай выходзяць на вуліцы горада калядаваць, заходзяць у хаты, у якіх гарыць святло. Гаспадароў дома сустракаюць песнямі, прамаўляюць добрыя пажаданні, а за гэта жыхары прымаюць гасцей з радасцю і адорваюць харчовымі падарункамі.

Месца: Брэсцкая вобласць, г. Давыд-Гарадок
Час: 13 студзеня 2020 года