Лагішынскі Петрапаўлаўскі кастёл

На галоўнай плошчы Лагішына ўзвышаецца Петрапаўлаўскі касцёл. Касцёл быў пабудаваны ў 1907 - 1909 гг. стараннямі вернікаў і пінскага ксяндза С.Войтки і асвечаны ў 1913 г. Гэта помнік архітэктуры неаготыкі.

Да асноўнага аб”ёму па яго падоўжнай восі далучана пяцігранная алтарная абсіда і чатырох”ярусная званіца. Кампазіцыя асіметрычныая. На вежы - вокны вузкія - накшталт байніц.  Магутныя двухступеністыя контрфорсы падпіраюць сцены. На верхніх ярусах званіцы чытаецца гатычны узор са спічастых ніш і ламанай лініі зубцоў. У касцёле знаходзіцца адна з самых знакамітых цудатворных абразоў - ”Лагішынская Маці Божая - апякунка Палесся”, ўшанаваны і каталікамі, і праваслаўнымію. Абраз трапіла ў Лагішын разам са шведскай арміяй. Разам з іншым нарабаваным дабром ён знаходзіўся ў абозе нейкага Галабурды, які служыў у шведаў. Атрымаўшы тэрміновы загад, ён у спешцы забыўся на запакаваны для перавозкі абраз хаты мясцовага пісара Малішэўскага, які і перадаў святыню, датаваную 1653 у Лагішынскі касцёл. А неўзабаве абраз ўславілася на ўсю акругу ацаленнямі ад хвароб і іншымі цудамі.

раскрыць увесь тэкст