Ільінская капліца ў Глыбокім

Ільінская капліца пабудавана ў канцы XVII стагоддзя, з`яўляецца помнікам архітэктуры класіцызму. Размешчана капліца на могілках, якія завуцца Капцёўка.

Гэта месца знаходзіцца ў некалькіх сотнях метраў за кармеліцкім касцёлам. Капцёўка, або гарадскія хрысціянскія могілкі - вельмі цікавае месца і ў пазнавальным плане. На старажытных магілах, у каменных крыжах стаілася самая сапраўдная гісторыя тутэйшых месцаў. На высокім пагорку Капцёўкі і стаіць каталіцкая Ільінская капліца. Хоць яна пабудавана ў класічным архітэктурным стылі, распаўсюджаным ў першай палове ХIХ стагоддзя, навукоўцы сцвярджаюць, што касцёл тут стаяў спрадвеку. Яго з`яўленне адносяць да 1640. Заснаваны касцёл кармелітамі. Але, павінна быць, спачатку ён быў драўляным і доўга такім заставаўся, пакуль на Капцёўцы не ўзвялі каменную капліцу, вялікім багаццем якой былі выдатныя фрэскавыя размалёўкі. Але пры Савецкай уладзе капліца бяздзейнічала і прыйшла ў катастрафічны стан. У выніку дзесьці ў 80-х гадах столь і дах абваліліся і назаўжды пахавалі цудоўны роспіс. Зараз капліцу спрабуюць адрэстаўраваць ... Злева ад касцельчыка і быў таемна, у другі раз пахаваны мсціслаўскі ваявода. Калі з`явіўся касцёл, на Капцёўцы могілак яшчэ не было, першыя магілы паўсталі тут толькі ў пачатку ХIХ стагоддзя. На гэтым месцы, калі яшчэ не было магіл, была ўсталяваная калона ў гонар прыняцця 3 мая 1791 года першай Канстытуцыі Рэчы Паспалітай. Яна і цяпер стаіць у асяроддзі пахаванняў людзей, многія з якіх прымалі ўдзел ва ўсталяванні калоны. На жаль, невядома, што яе вянчала, зараз жа, ужо які год запар сюды вяртаюцца буслы.

раскрыць увесь тэкст