Мемарыяльны комплекс «Кацюша»

Мемарыяльны комплекс «Кацюша» - афіцыйныя назва «За нашу Савецкую Радзіму!» - пабудаваны ў 1966 годзе на высокім маляўнічым беразе Дняпра ў гонар 25-годдзя першага залпу «Кацюшы», які быў ажыццёўлены 14 ліпеня 1941 гада пад камандаваннем І.А. Флёрава. Архітэктары Ю. Градаў, У.Запковіч, Л. Левін.

Справа пры ўваходзе на тэрыторыю мемарыяла размешчаны невялікі чорны куб з інфармацыйным надпісам: «Эксперыментальная батарэя з сямі машын пад камандаваннем капітана І. Флёрава была ўпершыню задзейнічаная для нанясення ўдараў па чыгуначнай станцыі Орша і пераправе праз раку Аршыцу 14 ліпеня 1941 гада». На ўзвышшы злева ў лінію пастаўленыя васьміметровыя, імкліва нацэленыя ў вышыню жалезабетонныя элементы - рэйкі, якія сімвалізуюць пускавыя ўсталёўкі. У цэнтры самой высокай пляцоўкі комплексу, на пастаменце, размешчаны макет рэактыўнага мінамёта «Кацюша».

Орша ўвайшла ў гісторыю Вялікай Айчыннай як горад, дзе адбыўся першы залп «Кацюшы». Ён доўжыўся 8 секунд, але гэтага хапіла, каб чыгуначная станцыя з нямецкімі эшалонамі была цалкам абхопленая полымем. Сіла выбухаў перагортвала нават паравозы, а 10-тонавыя нямецкія танкі шпурляла нібы цацачныя кубікі.

раскрыць увесь тэкст