Мемарыяльны комплекс «Яма»

Мемарыял «Яма» размешчаны на вуліцы Мельнікайтэ ў Мінску і прысвечаны ахвярам халакосту. Тут 2 сакавіка 1942 года фашыстамі было расстраляна каля 5 тысяч вязняў мінскага гета. Абеліск усталяваны ў 1947 годзе, а бронзавая скульптурная кампазіцыя «Апошні шлях» - у 2000 годзе. Аўтарства бронзавай скульптурнай кампазіцыі належыць беларускаму мастаку, старшыні габрэйскіх абшчын Беларусі Леаніду Левіну і скульптару з Ізраіля Эльза Поллак.

Мемарыял уяўляе сабой глыбокую яму, на дне якой знаходзіцца абеліск з чорнага граніту. На абеліску на рускай мове і ідыш напісана: «...Светлая памяць на светлыя часы пяці тысячам габрэяў, якія загінулі ад рук лютых ворагаў чалавецтва - фашысцка-нямецкіх злыдняў. 2.03.1942 г... » Перад ім - круглая пляцоўка з чорнага бруку. Уніз яра вядуць 17 прыступак, на якіх размешчана кампазіцыя ”Апошні шлях”, якая прадстаўляе групу асуджаных пакутнікаў, што спускаліся на дно.

Каля мемарыяла закладзенаАлея Праведнікаў народаў свету. Тут увекавечаны імёны беларусаў, якія пад страхам смерці ратавалі людзей ”не той” нацыянальнасці. Штогод 2 сакавіка тут праходзяць памінальныя жалобныя мітынгі.

раскрыць увесь тэкст