Свяцк

Вёска знаходзіцца ў 4 км да поўдня ад пасёлка Сапоцкін і ў 17 км да паўночнага захаду ад цэнтра горада Гродна. Каля заходняй ускраіны вёскі праходзіць дарога Гродна - Сапоцкін - мяжа з Літвой. У 8 км да захаду знаходзіцца мяжа з Польшчай.

Упершыню Свяцк згадваецца ў XVI стагоддзі як двор Гарадзенскага павета, які з 1521 года знаходзіўся пад кіраваннем Юр'я Радзівіла.
У 1779 - пачатку XIX стагоддзя тут быў пабудаваны каменны палац па праекце італьянскага архітэктара Джузэпэ дэ Сака.
У выніку трэцяга падзелу Рэчы Паспалітай (1795) Свяцк апынуўся ў Прусіі, з 1807 года ў Расійскай імперыі.
Па Рыжскай мірнай дамове (1921 года) Свяцк трапіў у склад міжваеннай Польскай Рэспублікі.
З 1939 года ў складзе БССР.

Свяцкі палац Валовічаў - помнік архітэктуры XVIII стагоддзя акружаны паркам.