Легенда "Заручальны дуб"

У зліцця Свіслачы і Лошы на стромкім схіле расце магутны шматвяковы дуб. Паводле легенды, прыкладна ў 1580 г. у гонар заручын сваёй дачкі князь Друцкі пасадзіў у сваім маёнтку тры дуба. Адзін - для таго, каб маладыя ўсё жыццё любілі адзін аднаго, другі - каб яны былі здаровымі і ў іх было здаровае патомства, трэці - каб ва ўсіх справах ім спадарожнічаў поспех. З трох дубоў захаваўся адзін, які, як сцвярджаюць, валодае магічнай сілай: калі падысці да дуба басанож і паклоніцца яму да зямлі, то ён дае людзям каханне, здароўе і натхняе на творчасць.