Светлагорскі гісторыка-краязнаўчы музей
Замовіць экскурсіюСветлагорскі гісторыка-краязнаўчы музей атрымаў статус дзяржаўнай установы 5 лістапада 1979 года як «Музей гісторыі горада». 1 лютага 2010 года музей перайменаваны ў дзяржаўную ўстанову культуры «Светлагорскі гісторыка-краязнаўчы музей». Асноўная місія музея - збіраць, вывучаць, захоўваць і прапагандаваць прыродную і гісторыка-культурную спадчыну жыхароў Светлагорскага раёна. На першым паверсе ў экспазіцыйных залах шырока прадстаўлены тэмы прыроды і экалогіі, археалогіі і этнаграфіі, Вялікай Айчыннай вайны. Экспазіцыя другога паверха распавядае аб развіцці прамысловага, сацыяльна-эканамічнага станаўлення Светлогорщiны на сучасным этапе, закранае Савецкі перыяд, раскрывае тэму воінаў-інтэрнацыяналістаў. Супрацоўнікі музея праводзяць аглядныя і тэматычныя экскурсіі, музейныя заняткі, мерапрыемствы, удзельнічаюць у акцыях. Праца ахоплівае ўсе ўзроставыя катэгорыі. У лютым 2010 года пры Светлагорскім гісторыка-краязнаўчым музеі быў адкрыты клуб друзей музея «Суразмоўца». У сакавіку 2007 г. у аграгарадку Чыркавічы адкрыты філіял Светлагорскага гісторыка-краязнаўчага музея, дзякуючы якому актывізавана культурна-асветніцкая праца ў вёсцы. Філіял знаходзіцца па адрасе вул. Савецкая, 100 і працуе з 9.00-18.00 з абедзенным перапынкам з 13.00 да 14.00 (выхадныя: нядзеля, панядзелак). Для выхаванцаў сельскіх школ праводзяцца тэматычныя мерапрыемствы, выставы, экскурсіі. Акрамя гэтага, школьнікі часцяком самі ўдзельнічаюць у жыцці музея. Музей размешчаны ў двух музейных будынках дэманстрацыйнай плошчай залаў 490,6 кв. м. і размяшчае 8 пастаянных экспазіцый. Агульная колькасць музейных прадметаў складае 12696, з іх асноўнага фонду - 6695, навукова-дапаможнага - 6036.
З культурна-масавых мерапрыемстваў у музеі праводзяцца пастаянныя тэматычныя заняткі для школьнікаў, якія ўключаюць у сябе гульні, віктарыны, лекцыі з відэапрэзентацыі, дэманстрацыяй фільмаў. Штогод ў мае праходзіць міжнародная акцыя "Ноч музеяў", а ў чэрвені - свята для дзяцей «Юныя грамадзяне Светлага горада» з урачыстай лінейкай з узняццем сцяга, уручэннем памятных значкоў. Абавязковая прысутнасць на свяце ганаровых жыхароў горада, вайскоўцаў, прадстаўнікоў гарадской улады. Святочную атмасферу дапаўняюць канцэртныя нумары. Пры музеі працуе сувенірная крама.
Супрацоўнікі музея плануюць навукова-даследчую працу на аснове ўжо наяўнага матэрыялу, распрацоўваюць новыя формы і метады працы: вывучэнне калекцыі традыцыйнай жаночай і мужчынскай вопраткі (кашуля, фартух, штаны, андарак, галаўны ўбор) з фондаў Светлагорскага гісторыка-краязнаўчага музея. Выданне буклета «Традыцыйны нарад Светлагоршчыны: крой, вышыўка, дэкаратыўныя швы»; вывучэнне навуковай спадчыны гісторыка і краязнаўца Сяргея Несцяровіча Прачу; аблічбоўка рукапіснага архіва, які захоўваецца ў фондах музея; пошук новых архіўных матэрыялаў; падрыхтоўка і правядзенне этнаграфічнай экспедыцыі з мэтай збору традыцыйных прадметаў побыту , адзення, тканін, прыладаў і прыстасаванняў. Паралельна са зборам прадметаў матэрыяльнай культуры вядзеца збор нематэрыяльнай культурнай спадчыны (в. Мармовічы, в, Карпавічы, в. Як.Слабада, в. Страковічы Светлагорскага р-на). Таксама вядзецца вывучэнне і ацэнка сучаснага абраду «Параскева», які праводзіцца ў в.Чыркавічы Светлагорскага р-на.
Заўвага: трэці ўторак месяца бясплатны дзень для наведвання пастаяннай экспазіцыі музея (для ўсіх катэгорый наведвальнікаў). Дадзенае не распаўсюджваецца на іншыя разавыя платныя паслугі музея (арганізацыя і правядзенне выставачнай дзейнасці, правядзенне музейных акцый і мерапрыемстваў).
Фота - Светлагорскі гісторыка-краязнаўчы музей
Экспазіцыі - Светлагорскі гісторыка-краязнаўчы музей
- «На ўлонні прыроды» зала аформлена фотапраекцыямі пор года; ў экспазіцыі прадстаўлены чучалы жывёл, птушак, гербарыі.
- ”Вытокі культуры” матэрыялы раскопак археалагічных помнікаў Светлагорскага раёна (в. Красноўка, неаліт, бронзавы век; в. Прудок, жалезны век Х-ХІІІ стст.; в. Каралеўская Слабада - на месцы сярэднявечнага г. Казімір, XVII ст; Шацілінскі востраў, VI-XVII стст.). Рэканструкцыя вертыкальнага ткацкага станка VI - IХ стст., рэканструкцыя адзення гараджанкі ХI-ХII стст.
- ”Этнаграфічны партрэт Светлагорскага краю” зала аформлена, як вясковая вуліца з фрагментам беларускай хаты, прадметамі сялянскага побыту. Калекцыяй фотадакументаў прадстаўлены тэмы сям'і Пушчына і першага расійскага амбасадара ў Японіі Іосіфа Антонавіча Гашкевіча.
- ”На пераломе эпох” прадметы інтэр'еру канца XIX - 30-х гг. XX ст; Фотадакуманты рэвалюцыйных падзей, перыяду калектывізацыі, палітычных рэпрэсій. Прадстаўлены калекцыі нумізматыкі, баністыкі.
- ”Ваеннае ліхалецце” экспануецца ваенны рыштунак і атрыбутыка, зброя і боепрыпасы, ваенная форма, парэшткі баявых караблёў, франтавыя лісты, асабістыя рэчы П.І. Батава, фотадакументы, дакументы, калекцыя фалерыстыкі.
- «Шацілкаўская суднаверф» фотадакументы і дакументы працы Шацілкаўскай суднаверфі канца 40-50-х гг. XX стст.
- ”Афганістан” фотадакументы і дакументы воінаў-інтэрнацыяналістаў, ваенная амуніцыя салдат Савецкай Арміі, фалерыстыка, ваенны рыштунак і атрыбутыка.
- ”Ганаровыя грамадзяне г. Светлагорска” ўзнагароды, фотадакументы і дакументы ганаровых грамадзян г. Светлагорска, кіраўнікоў горада і раёна, калекцыя вексілалогіі.
- Прамысловыя прадпрыемствы горада Светлагорска Васілевіцкая ДРЭС, ААТ «Будаўнічы трэст № 20», ААТ «Светлагорскі ДСК», ААТ «СветлагорскХімвалакно», прадпрыемства «Беларуснафта», ААТ «Светлагорскі ЦКК». Прадстаўлены калекцыі вексілалогіі, фотадакументы і дакументы па гісторыі будаўніцтва і развіцця прамысловых прадпрыемстваў, узоры прадукцыі горадаўтваральных прадпрыемстваў, сцягі і вымпела Савецкай эпохі, мэбля і канцылярскія прыналежнасці 50-60-х гг. ХХ стст.
Графік працы Светлагорскі гісторыка-краязнаўчы музей
- Адміністрацыя 08:30 - 17:30 выхадныя субота, нядзеля
- Каса 10:00 - 17:30 выхадныя панядзелак
- Экспазіцыі 10:00 - 18:00 выхадныя панядзелак