Дзятлаўскі дзяржаўны гісторыка-краязнаўчы музей
Замовіць экскурсію29 жніўні 1966 г, у адпаведнасці з рашэннем Гродзенскага аблвыканкама
заснаваны Дзятлаўскі дзяржаўны гісторыка-краязнаўчы музей і ўжо 5 мая 1968 г. быў адчынены для наведвальнікаў. Ініцыятарам яго арганізацыі былі старшыня Дзятлаўскага райвыканкама С. Т. Кабяка і першы сакратар райкама КПБ І. В. Крыжаноўскі, а яго непасрэдным стваральнікам - Міхаіл Фёдаравіч Петрыкевіч.
У музеі арганізуюцца пастаянныя
выставы народных і прафесійных майстроў. Сістэматычна праводзяцца тэматычныя
экскурсіі, сустрэчы з удзельнікамі Вялікай Айчыннай вайны, творчымі работнікамі
і іншыя культурна-масавыя мерапрыемствы. У 1984 годзе было закончана стварэнне новай экспазіцыі. Цяпер яна размяшчаецца ў 8 залах, агульная плошча якіх складае 284 кв. м., з якіх 48 кв.м. выдзелена пад часовыя выставы. Фонды музея налічваюць 13460 экспанатаў асноўнага і 2832 экспанатаў навукова-дапаможнага фонду. Пастаянна працуе выстава мастацкай керамікі члена Саюза мастакоў Рэспублікі Беларусь Мікалая Лаўрэнцьевіча Несцярэўскага. Разнастайны густ, неардынарныя прыёмы і формы работы з глінай дазволілі стварыць майстру непаўторныя керамічныя кампазіцыі. На выставе можна ўбачыць фігуры людзей, жывёл, вазы розных форм і аб’ёмаў, маскі, якія адлюстроўваюць розныя пачуцці людзей. М.Л.Несцярэўскі - адзін з аўтараў дэкаратыўных керамічных пластоў, якія ўпрыгожваюць станцыю метро “Плошча Якуба Коласа” ў Мінску. На выставе паказаны першыя вырабы гэтых пластоў. У 2006 годзе музей атрымаў статус юрыдычнай асобы і назву Установа культуры “Дзятлаўскі дзяржаўны гісторыка-краязнаўчы музей”. У музеі можна набыць сувенірную прадукцыю і зрабіць фотаздымкі.
Фота - Дзятлаўскі дзяржаўны гісторыка-краязнаўчы музей
Экспазіцыі - Дзятлаўскі дзяржаўны гісторыка-краязнаўчы музей
- «Гісторыя краю ад часоў каменнага веку да ХХ стст.». Раскрываецца гісторыя краю з часоў каменнага веку да сярэдзіны XIX стагоддзя, дзе экспануюцца каменныя прылады працы і зброя першабытных людзей, парэшткі жывёл, на якіх палявалі нашы продкі. Прадстаўлены археалагічныя знаходкі эпохі мезаліту і неаліту, човен XVI стагоддзя, дыярама мястэчка Дзятлава і прадметы розных рэлігійных канфесій часоў Вялікага княства Літоўскага.
- «Нацыянальна-вызваленчы рух у Заходняй Беларусі ў 1920-1930 гады». Прадстаўлены падпольныя газеты, транспаранты, улёткі, брашуры, дакументы, фотаздымкі, асабістыя рэчы членаў КПЗБ і Камуністычнага саюза моладзі Заходняй Беларусі. З Дзятлаўшчынай звязана дзейнасць Сяргея Прытыцкага, Веры Харужай, Максіма Танка і іншых выдатных беларускіх дзеячаў.
- «Матэрыяльная культура жыхароў нашага краю з к. ХIХ - пач. ХХ стст.». Наведвальнікі знаёмяцца з матэрыяльнай культурай краю канца XIX - пачатку XX стагоддзя. Тут прадстаўлены вырабы мясцовых майстроў, прылады працы земляробаў, жывёлаводаў і рамеснікаў, узоры мастацкага ткацтва, ганчарныя і сталярныя вырабы, прадметы народнага побыту.
- «Вызваленчыя баі ў пачатку Вялікай Айчыннай вайны». Выстаўлены дакументы, фотаздымкі, асабістыя рэчы ўдзельнікаў абарончых баёў на рацэ Шчара ў чэрвені 1941 года, савецкіх воінаў, якія загінулі пры абароне Дзятлава, землякоў - абаронцаў Масквы, Ленінграда і Сталінграда. Змешчаны фатаграфіі, зброя, прадметы побыту, асабістыя рэчы і ўзнагароды партызан. У музеі шырока раскрыта тэма вызвалення Дзятлава. Шматлікія дакументы, фотаздымкі і іншыя матэрыялы экспазіцыі адлюстроўваюць перыяд аднаўлення разбуранай вайной народнай гаспадаркі.
- «Партызанскі рух у Дзятлаўскім раёне». Раскрываецца тэма разгортвання партызанскага руху на Дзятлаўшчыне. Стварэнне першых партызанскіх атрадаў. Дзейнасць дзятлаўскіх падпольшчыкаў. Стварэнне антыфашысцкага падпольнага камітэта ў Дзятлаве.
- «Вызваленне Дзятлаўшчыны. Салдаты Перамогі». Раскрываецца тэма вызвалення Дзятлаўшчыны 169-й стралковай дывізіяй пад камандаваннем падпалкоўніка П. І. Качура. Аповяд пра нашых землякоў - салдатах Арміі Польскай. Стэнд, прысвечаны аднаўленню народнай гаспадаркі, наладжванню мірнага жыцця.
- «Мастацкая кераміка члена саюза мастакоў Рэспублікі Беларусь Н. Л.Несцяроўскага». Пастаянная выстава, на якой прадстаўлены работы беларускага мастака-кераміста Н. Л. Несцярэўскага.
Графік працы Дзятлаўскі дзяржаўны гісторыка-краязнаўчы музей
- Адміністрацыя 08:00 - 17:00 выхадныя субота, нядзеля
- Каса 09:00 - 18:00 выхадныя панядзелак
- Экспазіцыі 09:00 - 18:00 выхадныя панядзелак