Музей кнігі Нацыянальнай бібліятэкі Беларусі

Музей кнігі Нацыянальнай бібліятэкі Беларусі адкрыўся ў верасні 2006 года. Асноўнай мэтай яго дзейнасці з'яўляецца азнаямленне наведвальнікаў з развіццём беларускага кнігадрукавання ў кантэксце сусветнай гісторыі кнігі, а таксама з гісторыяй Нацыянальнай бібліятэкі Беларусі. У музеі дэманструюцца пастаянныя і часовыя экспазіцыі. Ён мае сучаснае музейнае абсталяванне, што дазваляе падтрымліваць неабходны экспанатам мікраклімат. Музей кнігі ўяўляе унікальную магчымасць убачыць рарытэты з калекцыі рукапісаў, старадрукаваных і рэдкіх кніг Нацыянальнай бібліятэкі Беларусі, знаёміць з развіццём беларускага кнігадрукавання ў кантэксце сусветнай гісторыі кнігі, асаблівасцямі беларускай, еўрапейскай і ўсходняй кніжнай культуры і прадстаўляе кнігу як твор мастацтва. Музей кнігі знаходзіцца на 3-м паверсе (пам. № 347) у правым крыле будынка Нацыянальнай бібліятэкі Беларусі, агульнай экспазіцыйнай плошчай 288 кв. м. і ўключае ў сябе 2 пастаянных («Брама кніжных скарбаў", "Нацыянальная бібліятэка Беларусі. Вехі гісторыі») і 5-7 - часовых перасоўных экспазіцый у год. Навукова-даследчая работа праводзіцца ў рамках дзейнасці навукова-даследчага аддзела кнігазнаўства НББ.

Заўвага: музей працуе з 10.00-18.00 (чацвер, субота, нядзеля), 10.30-19.00 (аўторак, серада, пятніца), выхадны дзень - панядзелак. У летні перыяд (з 1 ліпеня па 31 жніўня) музей працуе з 10.00-18.00 (панядзелак, чацвер, субота), 10.30-19.00 (аўторак, серада, пятніца), выхадны дзень - нядзеля.