Аршанскі музей В.С. Караткевіча

Аршанскі музей В.С. Караткевіча адкрыты 26 лістапад 2000 да 70-годдзя з дня нараджэння пісьменніка і з'яўляецца філіялам музейнага комплексу «Гісторыя і культура Аршаншчыны». У 1994 годзе ў Воршы быў створаны музей «Нашы славутыя землякі», адзін з раздзелаў экспазіцыі якога планавалася прысвяціць Уладзіміру Караткевічу. Але ў верасні 1997 года музею знакамітых землякоў была дадзена назва «Аршанскі музей В.С. Караткевіча», які распавядае аб жыцці і дзейнасці знакамітага пісьменніка. Музей размешчаны ў будынку-помніку грамадзянскай архітэктуры канца ХІХ - пачатку ХХ стагоддзя. З 1925 года тут размяшчаўся радзільны дом, у якім 26 лістапада 1930 г. і з'явіўся на свет будучы пісьменнік.

У двух прасторных залах на першым паверсе будынка размясцілася музейная экспазіцыя пад агульнай назвай «Партрэт пісьменніка і чалавека». На другім паверсе музея знаходзіцца мастацкая галерэя для правядзення часовых выстаў.

Сёння ў экспазіцыі прадстаўлена больш за тысячу экспанатаў. Самыя каштоўныя з іх - асабістыя рэчы пісьменніка, рукапісы яго твораў, малюнкі Караткевіча-мастака. У архіве музея - цікавыя тэматычныя экскурсіі, музейныя заняткі, відэатэка фільмаў пра Караткевіча і фільмаў, знятых па яго сцэнарах.

Музей актыўна ўдзельнічае ў міжнародных выставачных праектах, супрацоўнічае з Японіяй, Польшчай, Літвой, Украінай, Расіяй, Германіяй, Швецыяй. Традыцыйна на базе музея праходзяць Міжнародныя навуковыя канферэнцыі, прысвечаныя творчасці Ўладзіміра Караткевіча.