Навіны: Дзень нараджэння партала

30 Сакавіка 2010 года інтэрнэт-партал sanatorii.by адзначае свой трэці дзень Нараджэння. За тры гады працы партал аб санаторыях Беларусі неаднаразова станавіўся лаўрэатам прэстыжных інтэрнэт-прэмій і конкурсаў. На сённяшні дзень sanatorii.by - адзін з самых наведвальных парталаў аб турызме ў Беларусі. За час працы інтэрнэт-партал зазнаў шэраг змяненняў, пастаянна развіваўся, прапаноўваючы наведвальнікам ўсё новыя і новыя паслугі. Сёння на sanatorii.by прадстаўлена інфармацыя аб 104 санаторыях Беларусі , якая ўключае падрабязнае апісанне кожнага з аб\'ектаў, іх геаграфічныя каардынаты, звесткі аб медыцынскіх профілях і асноўных метадах лячэння, лячэбна-дыягнастычных кабінетах, інфраструктуры.


Для нас важна, каб карыстальнікі маглі не толькі азнаёміцца з інфармацыяй аб санаторыях, але і атрымаць нагляднае ўяўленне пра іх, таму на партале размешчаныя фатаграфіі і відэафільмы . У спецыяльна распрацаваных даведкавых модулях прадстаўлена падрабязная інфармацыя аб усіх аспектах дзейнасці санаторна-курортных арганізацый. На форуме партала можна пазнаёміцца з водгукамі аб санаторна-курортных арганізацыях, задаць пытанні, што цікавяць Вас, спецыялістам аддзела інфармацыйных тэхналогій нашага прадпрыемства і супрацоўнікам санаторыяў, падзяліцца сваімі ўражаннямі пра адпачынак.
Зручнай і простай сістэмай онлайн-браніравання на партале sanatorii.by за 3 гады скарысталіся некалькі дзесяткаў тысяч чалавек.
Свой трохгадовы юбілей партал аб санаторыях Беларусі адзначае з вельмі пераканаўчымі поспехамі. Дзяржаўныя і грамадскія арганізацыі даюць высокую ацэнку яго дзейнасці. Так sanatorii.by двойчы быў узнагароджаны граматамі \"За актуальнасць і змястоўнасць\" і \"За ўкараненне новых тэхналогій у абслугоўванне турыстаў\" на штогадовым Рэспубліканскім турысцкім конкурсе \"Пазнай Беларусь\", быў тройчы адзначаны дыпломамі Міжнароднай спецыялізаванай выставы TIBO, а ў 2008 годзе стаў пераможцам 6-га беларускага конкурсу кантэнт-праектаў у намінацыі \"Адпачынак і забавы \".
Несумненна, вельмі важным з\'яўляецца прызнанне нашай працы карыстальнікамі партала. За 3 гады iнтэрнет-партал наведалі больш за 4 мільёна чалавек, якія прагледзелі каля 41 мільёна старонак і актыўна пакідаюць паведамленні і водгукі на форуме партала.
Інтэрнэт-партал sanatorii.by - гэта вынік трохгадовай дзейнасці ПНВУП \"Аўтаматызаваныя тэхналогіі турызму\". Кожны дзень каманда прадпрыемства вядзе актыўную працу па развіцці партала, прыкладае максімум намаганняў, каб зрабіць яго больш змястоўным, цікавым і зручным ў звароце, каб прадастаўляць наведвальнікам партала найбольш поўную і якасную інфармацыю аб санаторна-аздараўленчых арганізацыях Беларусі, і прыемна здзівіць кожнага кліента высокім узроўнем паслуг.