Навіны : Последний звонок

Беларускі экскурсійны партал Ekskursii.by віншуе школьнікаў з завяршэннем навучальнага года і разам з Вамі падводзіць вынікі апошняга званка.

30 мая скончыўся навучальны год і разам з юнымі падарожнікамі мы зноў адправіліся насустрач новым адкрыццям за яркімі ўражаннямі. У гэтым годзе ўвагу школьнікаў заваявалі індывідуальныя праграмы, у адрозненні ад мінулага года, калі попытам карысталіся масавыя мерапрыемствы.

Самыя актыўныя выпускнікі адправіліся на сустрэчу з магутным родам Радзівілаў — прынялі ўдзел ва ўнікальным квэсце «Таямніцы палаца Радзівілаў», дзе сталі сведкамі спірытычных сеансаў, пабывалі ў сутарэннях Нясвіжскага палацаі падняліся на абарончыя валы, прагуляліся па цяністых алеях старога парку, а таксама сустрэліся тварам да твару з жыхарамі палаца.

Іншыя аматары сярэднявечнай культуры адправіліся да руін некалі велічных замкаў у Крэва і Гальшанах, ў суправаджэнні Шляхціча, які распавёў пра падзеі, што адбываліся ў яго часы ў старажытных сцен.

Увагу юных мастакоў прыцягнула творчасць французскага мастака з беларускім паходжаннем Хаіма Суціна. Хлопцы і дзяўчаты пабывалі на радзіме мастака — у Смілавічах, дакрануліся да «Святой гары» - старажытнага капішча, наведалі фабрыку, дзе вырабляюць валенкі.

Па ранейшаму не засталіся па-за ўвагай, аднак пакінулі менш эмоцый, аб'екты масавага наведвання:комплекс Станькава, Парк інтэрактыўнай гісторыі Сула, Дукорскі маёнтак, Строчыцы.

Дзякуем педагогам і бацькам за плённае супрацоўніцтва. Жадаем навучэнцам яскравых канікул, а педагогам прыемнага адпачынку. Выпускнікам - паспяховай здачы экзаменаў і пабольш зялёнага святла на жыццёвым шляху!