Навіны : Свята Івана Купалы ў Нацыянальным парку «Прыпяцкі»

Нацыянальны парк «Прыпяцкі» запрашае наведаць свята Івана Купалы, якое пройдзе на тэрыторыі ІКК «Музей пад адкрытым небам» 8 ліпеня 2023 года а шостай гадзіне вечара.

Купалле – адно з самых старажытных народных святаў, прысвечаных сонцу і росквіту зямлі. Магічныя абрады і рытуалы Купалля ўзніклі яшчэ ў паганскія часы.

Вас чакае:

• выступленні ансамбля «Спасаўка», калектыву «Прыпяцкі»;
• тэатралізаваны паказ;
• майстар-класы ў музейных хатках;
• дзіцячыя атракцыёны;
• фатазона;
• народныя песні, танцы, карагоды;
• пошук папараць кветкі;
• абрад пускання вянкоў на ваду;
• купальскае вогнішча;
• дыскатэка і феерверк.

На тэрыторыі музея будуць працаваць гандлёвыя рады, дзе можна не толькі смачна паесці, але і набыць мясныя, рыбныя дэлікатэсы, сувенірную прадукцыю. Здзейсніць рачную прагулку на цеплаходзе, маторных лодках па разлівах Прыпяці.