Навіны: У госці да Дзеда Марозу

Мяккай посцілкай першага снегу ахінае вячыстыя дрэвы ў Белавежскай пушчы Дзядуля Мароз, малюе ўзоры на ледзяной паверхні сажалак, скубае дзетак за шчокі, і аднекуль здалёку даносіцца пабразгванне званочкаў. Акунуцца ў дзівосны свет чароўных мрояў можа кожны - Дзядуля Мароз запрашае ўсіх у сваю таямнічую і напоўненую шчасцем рэзідэнцыю, гасцінна расхінаючы дзверы свайго Маёнтка ў Белавежскай пушчы.

Ці ведаеце Вы, што такі звыклы для нас снег не проста пагодная з\'ява. Што з першай сняжынкай абуджаецца Дух Каляд, усяляючы ў сэрцы людзей дабрыню і веру ў цуд. Што Дзед Мароз дастае з куфра ў сваёй хатцы вышыты лютымі маразамі кажух і пачынае збіраць падарункі для паслухмяных і руплівsх дзяцей. Што з першым снегам мы пачынаем адчуваць любоў і адкрываем сэрцы насустрач адзін аднаму... Як важна менавіта цяпер падарыць сваім блізкім мару - сустрэчу з Дзедам Марозам, на вушка якому можна загадаць сваё запаветнае жаданне.

Запрашаем далучыцца да нашай групы і здзейсніць займальную паездку да Дзеда Мароза і Снягуркі. Бліжэйшыя выезды з Мінска запланаваны на 25 і 27 снежня, а таксама 2 і 4 студзеня; аўтобус з Брэста будзе адпраўляцца 2 і 5 студзеня.

У праграме экскурсіі вальеры з жывёламі, найбагацейшы ў Беларусі музей прыроды, Маёнтак Дзеда Мароза, сытны абед і гарачы чай на маршруце.

Радуйцеся першаму снегу і падарожнічайце з Ekskursii.by