XVIІ Міжнародны фестываль духоўнай музыкі «Магутны Божа» ў Магілеве.

XVIІ Міжнародны фестываль духоўнай музыкі «Магутны Божа» ў Магілеве.

З 29 чэрвеня па 3 ліпеня 2010 года адбудзецца XVIІ Міжнародны фестываль духоўнай музыкі «Магутны Божа» .

Фестываль арганізуе і праводзіць Магілёўскі абласны і Магілёўскі гарадскі выканаўчыя камітэты. Асноўнай мэтай фестывалю з'яўляецца падтрымка духоўнай культуры на хрысціянскіх традыцыях, аб'яднанне і ўзаемнае духоўнае ўзбагачэнне з дапамогай музыкі, падтрымка праграм, накіраваных на эстэтычнае выхаванне моладзі. .

У рамках фестывалю адбудзецца вакальна-харавы конкурс.

Да ўдзелу ў конкурсах запрашаюцца харавыя калектывы (акадэмічныя хоры, акадэмічныя вакальныя ансамблі) і салісты-вакалісты, якія пражываюць у Рэспубліцы Беларусь і замежных краінах. Конкурсныя выпрабаванні складаюцца з адборачнага (праводзіцца завочна) і заключнага тураў.

Вынікі заключнага этапу конкурсу падводзіць міжнароднае журы па наступных крытэрыях:

• харавое, вакальнае выканальніцкае майстэрства;
• сцэнічнае майстэрства;
• духоўнае змест праграмы.

Для ўдзелу ў конкурсе харавых калектываў неабходна мець рэпертуар толькі духоўнага зместу. Праграма харавога калектыву павінна прадугледжваць выкананне не менш за 50 працэнтаў твораў таго рэгіёну, адкуль прыбыў калектыў. Абавязковы твор: муз. М. Равенскага, сл. Н. Арсеньневай «Магутны Божа» (на беларускай мове для ўдзелу ў зводным хоры). Уся конкурсная праграма харавых калектываў павінна быць не больш за 20 хвілін.