Свята «Рыбалка ў графа Храптовіча»
Свята «Рыбалка ў графа Храптовіча»
Унікальнае мерапрыемства, заснаванае на мясцовым гістарычным матэрыяле. З даўніх часоў маёнтак графа Храптовіча славіўся месцам, куды на «Рыбны пікнік» збіраўся вышэйшы свет таго часу, а сам граф быў вядомы як заўзяты рыбак. Час ідзе, а рыбачыць і адпачываць на графскай зямлі любяць і цяпер.
«Рыбалка ў графа Храптовіча» – гэта конкурс рыбакоў, гастранамічны тур, майстар-класы па запяканні рыбы і падрыхтоўцы ўхі, дэгустацыя страў і шмат-шмат музыкі. У праграме свята таксама: конкурс «Забег у ластах», спаборніцтвы мясцовых прыгажунь ва ўменнях і талентах «Залатая рыбка», перацягванне невада і шмат «смачных» розыгрышаў, «рыбацкія пытанні» і батл «вуліца рыбная, анекдотная».
«Нас мала, але мы ў цяльняшках» – кожны, хто прыйдзе на свята ў цяльняшцы, атрымае флаер для ўдзелу ў бяспройгрышным атракцыёне.
Для гасцей будзе працаваць спецыяльная фотазона з аніматарамі, дзе ўсе жадаючыя змогуць зрабіць памятныя фатаграфіі. Запрашаем усіх далучыцца да свята. Будзе смачна, весела і цікава!
Час: 26 чэрвеня 2021 года