- Галоўная
- →
- Навіны
Фестываль вясковай культуры «Бакштаўскі каларыт»
Фестываль вясковай культуры «Бакштаўскі каларыт»
Дакрануцца да сваіх вытокаў, далучыцца да святочных i штодзённых традыцый продкаў запрашаем у вёску Бакшты на фестываль вясковай культуры «Бакштаўскі каларыт»! Удзельнікі фэсту змогуць бліжэй пазнаёміцца з традыцыйнай культурай, народнай творчасцю, фальклорам.
Толькі ў Бакштах вы зможаце стаць і гледачом, і ўдзельнікам яркай тэатралізаванай праграмы «Сёння ў нашай хаце свята»; атрымаць асалоду ад канцэрту фальклорных калектываў раёна «Гучы, родная песня!», а таксама праявіць сябе ў забаўляльна-гульнёвай праграме «Гульнёвы кірмаш». Майстар-клас «Танцы народнага побыту»; выстаўка-кірмаш народнай творчасці «З крыніц прыгажосці»; выстаўка прадметаў народнага побыту «Зроблена рукамі землякоў» – кожны госць знойдзе сабе забаву па густу.
Месца: Іўеўскі раён, в. БакштыЧас: 1 жніўня 2021 года
Падзеі горада Іўе
-
падрабязней
З 9 па 10 жніўня 2025 г. у адным з самых маладых гарадоў Гродзеншчыны - Іўе пройдзе самае смачнае яркае «агародніннае» свята – «Іўеўскі памідор»! Летні гастрафэст у горадзе, які славіцца высокімі ўраджаямі, разнастайнасцю сартоў і якасцю таматаў, традыцыйна збірае тысячы гасцей і ўдзельнікаў і па праве лічыцца адным з самых смачных фестываляў Гродзеншчыны.
Месца:Гродзенская вобласць, Іўеўскі раён, г. Іўе
У праграме – тэатралізаванае шэсце «Памідорны бум», сімвалічная закатка першай банкі таматаў новага ўраджаю 2025 года, канцэрты прафесійных і аматарскіх калектываў, выставы-продажы таматаў, вырабаў ДПМ. Усе жадаючыя змогуць паўдзельнічаць у галоўнай падзеі свята - бітве памідорамі «Іўе-дэ-Таматэйра», «Памідорным дартсе», ацаніць смак самага вялізнага памідорнага бутэрброда і страў, галоўным інгрэдыентам якіх з'яўляецца тамат.
Час: 9-10 жніўня 2025 года