Іван Купала (Іванаў дзень, Купальская ноч) - народнае свята ўсходніх славян. Ноч на Івана Купалу запоўнена абрадамі, звязанымі з вадой, агнём і травой... Гэта свята, прысвечанае сонцу і росквіту зямлі. Свята ў гонар летняга сонцастаяння.

Нацыянальны парк «Белавежская пушча» запрашае правесці 6 ліпеня 2023 года «Вечар на Івану Купалу» на тэрыторыі археалагічнага музея пад адкрытым небам, які адлюстроўвае асаблівасці развіцця матэрыяльнага і духоўнага жыцця старажытнага насельніцтва Беларусі. Лепш месца для імпрэзы і не прыдумаеш!

Народныя песні, карагоды, вясёлыя гульні і конкурсы, купальскае вогнішча і шмат іншага Вас чакае ў гэты дзіўны вечар.

Месца: Камянецкі раён, в. Каменюкі
Час: 6 ліпеня, 2023 года