Тэматычная экскрысія «Дрэвы-волаты Белавежскай пушчы»

З 1 па 3 жніўня 2025 года у Нацыянальным парку «Белавежская пушча» адбудзецца фестываль палявання і рыбалоўства — новая ініцыятыва Нацыянальнага парка, накіраваная на захаванне традыцый і папулярызацыю ўнікальнай культурнай гісторыі тутэйшых лясоў.
Гэты фестываль задуманы як штогадовая падзея, якая дазволіць узгадаць багатую гісторыю палявання і рыбалоўства ў Беларусі і прыцягнуць увагу да прыродных і турыстычных магчымасцей Белавежскай пушчы.

Мэтай фестывалю з'яўляецца захаванне традыцый паляўнічай і рыбалоўнай культуры Беларусі, а таксама развіццё падзейнага турызму. Гэтае мерапрыемства стане не толькі святам для аматараў прыроды і актыўнага адпачынку, але і пляцоўкай для прасоўвання турыстычнага патэнцыялу рэгіёна, што ў сваю чаргу дапаможа павялічыць колькасць гасцей і даходы ад турыстычных паслуг.

Гасцей чакае насычаная праграма:

• Фестываль-конкурс вабільшчыкаў — спаборніцтва майстроў, якія ўмеюць прыцягваць дзічыну з дапамогай гукаў.
• Фестываль-конкурс паляўнічай кухні.
• Выстава-конкурс трафеяў.
• Выстава сабак паляўнічых парод з паказальнымі выступленнямі.
• Спаборніцтвы па стэндавай стральбе.
• Канцэртная праграма і вячэрняя дыскатэка - музычная частка фестывалю для стварэння святочнага настрою.

Фестываль абяцае стаць яркай падзеяй, якая аб'яднае аматараў прыроды, палявання, рыбалкі і актыўнага адпачынку.

Наведаць нацыянальны фестываль палявання і рыбалоўства ў Белавежскай пушчы Вы можаце зручна размясціўшыся ў гасцінічным комплексе «Каменюкі», а адправіць заяўку на браніраванне можна ўжо зараз.