Міжнародны злёт аматараў ездавога спорту «Паўночныя сабакі»

Міжнародны злёт аматараў ездавога спорту «Паўночныя сабакі»

14-15 студзеня 2012 года на базе адпачынку пікнік-гатэль Экспедыцыя (Мінская вобласць) прайдзе двухдзённы Міжнародны злёт аматараў ездавога спорту «Паўночныя сабакі».

Cпартыўны злёт збярэ 82 каманды спартсменаў з Украіны, Расіі, Літвы, Латвіі і Нідэрландаў, якія пакажуць сваё майстэрства ў звароце з сабачымі запрэжкамі.

У праграме фестывалю запланаваны вечар аўтарскай песні, сустрэча Старога Новага года, а таксама «круглы стол» на тэму «Развіццё ездавога спорту ў Беларусі». Госці спаборніцтваў змогуць пакатацца на квадрацыклах або банане за снегаходам, папарыцца ў лазні і выкупацца ў палонцы.

Для дзяцей да 8 гадоў уваход на тэрыторыю фестывалю будзе свабодным!

Месца правядзення: Беларусь, Мінская вобласць, Лагойскі раён, б/а Плешчаніцы-2