Урачыстыя канцэрты ў Нясвіжскім палацы

Урачыстыя канцэрты ў Нясвіжскім палацы

2-5 студзеня 2013 года ў Нясвіжскім палацы адбудзецца цэлая серыя ўрачыстых канцэртаў і выступленняў музычнага і харэаграфічнага ансамбляў, салістаў Нацыянальнага акадэмічнага Вялікага тэатра оперы і балета Рэспублікі Беларусь.

  2 і 3 студзеня у 14.00 у Тэатральным зале Палацавага ансамбля адбудуцца канцэрты калектыву «Класік-Авангард». «Класік-Авангард» - ансамбль з 18 прафесійных музыкаў, лаўрэатаў прэстыжных нацыянальных і міжнародных конкурсаў выканаўцаў, у рэпертуары якога розныя стылі і напрамкі музыкі розных эпох: еўрапейская класіка XVII-XX стагоддзяў, авангард пачатку XX стагоддзя, творы сучасных кампазітараў і многае іншае. Нязменным мастацкім кіраўніком і дырыжорам ансамбля з'яўляецца Уладзімір Байдаў.
4 студзеня у 14.00 і 14:45 у Тэатральным зале Палацавага ансамбля адбудзецца канцэрт зорак беларускай оперы. Тут адбудзецца святочнае выступленне салістаў Нацыянальнага акадэмічнага Вялікага тэатра оперы і балета Рэспублікі Беларусь, канцэртная праграма якога будзе складацца з фрагментаў вядомых опер і самастойных твораў, сярод якіх ўрывак з оперы «Кармэн», Арыя з аперэты «Сільва», дуэт Тэадоры і Містэра Ікс з аперэты «Прынцэса цырка» і іншае.
5 студзеня у 16.00, 17.00 і 18.00 у Нясвіжскім палацы адбудзецца выступленне харэаграфічнага ансамбля «Харошкі». Наведвальнікі Палацавага ансамбля змогуць акунуцца ў эпоху XVIII стагоддзя, дзе сам князь Міхал Казімір Радзівіл Рыбанька сустрэне іх і раскажа пра жыццё сваёй высакароднай сям'і. Таксама адмыслова для гасцей у найпрыгажэйшых залах палаца выступіць Беларускі дзяржаўны харэаграфічны ансамбль «Харошкі».