XIV Міжнародны фестываль дзіцячай творчасці «Залатая пчолка»

XIV Міжнародны фестываль дзіцячай творчасці «Залатая пчолка»

З 28 мая па 1 чэрвеня 2014 у г. Клімавічы пройдзе XIV Міжнародны фестываль дзіцячай творчасці «Залатая пчолка».

Фестываль у чарговы раз збярэ прадстаўнікоў з Беларусі і іншых дзяржаў. Да ўдзелу ў конкурсе запрашаюцца дзеці ва ўзросце ад 9 да 16 гадоў. Спаборніцтвы праводзяцца ў 2 узроставых катэгорыях - малодшая (9-12 гадоў) і старэйшая (13-16 гадоў).
Заяўленыя наступныя намінацыі:

• «Вакальнае мастацтва» - намінацыі: салісты, ансамблі (дуэт, трыа, квартэт і інш.) народных і эстрадных спеваў;
• «Харэаграфічнае мастацтва» - намінацыі: харэаграфічныя калектывы народна-сцэнічнага, эстраднага танца;
• «Выяўленчае мастацтва» - намінацыі: жывапіс, графіка;
• «Дэкаратыўна-прыкладное мастацтва» - намінацыі: дэкаратыўна-прыкладная творчасць, мастацкія рамёствы.

Пераможцы фестывалю атрымліваюць Гран-пры, прызёры - дыпломы і памятныя прызы.

Праграмай фестывалю таксама прадугледжаны конкурсныя праслухоўванні, канцэртныя праграмы ўдзельнікаў і гасцей, майстар-класы, выстава-продаж вырабаў майстроў дэкаратыўна-прыкладнога мастацтва, конкурсы малюнкаў на мальберце і асфальце і многае іншае.