«Купалле» ў Сілічах
6 ліпеня 2014 пройдзе свята «Купалле» на тэрыторыі «Сілічы».
Ва ўсіх гасцей мерапрыемства будзе магчымасць пазнаёміцца са спрадвечнымі
традыцыямі народнага свята, стаць удзельнікам старажытных абрадаў і сучасных
містыфікацый, загадаць жаданне, паваражыць на нарачонага і адшукаць
«Папараць-кветку» - сімвал шчасця, любові і росквіту.
Таксама святкуючых чакае
канцэртная праграма з удзелам вядомых калектываў і тэматычныя пляцоўкі
для дзяцей і дарослых і, вядома ж, пусканне вянкоў па возеры. Адпавядны настрой
у гэты народны каларытны дзень створаць: Дуэт «Не БаЯн style», цыганскі тэатр «Gipsy Band», дзіцячая танцавальная
група школы танцаў «Наталі», калектыў «Шчодра» і спявачка Алеся Баярскіх, шоў «Хімікідс».
Тэрыторыя ніжняй пляцоўкі «Сілічы» (пляцоўка каля Возера)
будзе падзелена на 4 тэматычныя зоны:
цэнтрам свята стане галоўная сцэна,
на якой на працягу 3-х гадзін будзе праходзіць шоў-праграма з удзелам
фальклорных і народных калектываў, гульні, конкурсы з падарункамі для дзяцей і
дарослых ад казачных вядучых Андрэя Міхеля і Дзмітрыя Быкава;
«Марская зона»
паўстане для гледачоў інтэрактыўнай пляцоўкай, на якой будуць праходзіць:
гульні і спаборніцтвы з піратамі і піраткамі, вывучэнне марской лексікі, вязанне
марскіх вузлоў, фота-зона, стральба з вадзяных пісталетаў, пасвячэнне ў
«Піраты».
«Чароўная
зона» дазволіць кожнаму госцю свята
загадаць жаданні на «воблака Жаданняў», набыць Чароўную
Купальскую расу, якая амаладзіць уладальніка, даведацца, што чакае Вас у найбліжэйшай
будучыні, атрымаць выдатныя фатаграфіі на фота-зоне і прайсці абрад пасвячэння
ў «Русалкі і Вадзяныя».
«Народная зона» перадасць
увесь каларыт і прыгажосць Купалля. Тут наведвальнікаў чакае «купальская» фота-зона,
майстар-клас па пляценні вянкоў, касапляценне, купальская эстафета, конкурс
малюнка, сапраўдныя купальскія варожбы на нарачонага.
Месца: Лагойск, Сілічы
Час: 6 ліпеня 2014
