- Галоўная
- →
- Навіны
Фолк фэст «Вольнае паветра»
Фолк фэст «Вольнае паветра»
16 ліпеня 2016 года на хутары Шаблі пройдзе фолк фэст «Вольнае паветра». Геаграфія выступоўцаў фэсту шырокая: у розныя гады на хутары выступалі і ўкраінская «Дахабраха», і нямецкія «Di Grine Kuzine», «Feindrehstar», гучалі і балканскія матывы ад піцерскіх «Theodor Bastard», чутна была музыка з Буратыі Namgar, выходзілі на сцэну як мэтры беларускага фолку этна-трыа «Троіца» і «Kriwi», так і маладыя гурты «Harotnica» і «Re1ikt», а ноччу ды-джэі з Літвы «Baltic Balcan» ладзілі дыскатэкі і чыл-аўт зоны для тых, хто яшчэ не стаміўся. Ля вогнішча заўсёды збіраліся прыхільнікі паспяваць пад гітару.
У гэтым годзе фестываль, як і раней, будзе арыентаваны на беларускую культуру і музыку. Гасцей чакаюць як сюрпрызы, так і традыцыйныя катання на тралее і народная забава - турнір па кіданню каровіных кізякоў. Па сутнасці фестываль будзе падобны на папярэдні, які праводзіўся ў 2014 годзе і па часу супадаў з Купаллем. На ім будуць прадстаўлены калектывы, якія сімвалізуюць паэтапнае развіццё фолк-музыкі - ад бабуліных песнапенняў на прызбе да прафесійных кампазіцый, якія сёння транслююцца праз СМІ. На хутары ўжо з'явілася другая сцэна, а намётавы лагер з падножжа ўзгорка перамясціўся наверх. Наведвальнікаў чакаюць і іншыя паляпшэння ў інфраструктуры «Шаблі».
Месца: хутар Шаблі, в. Мал. Запруддзе, Валожынскі р-нЧас: 16 ліпеня 2016 года, 14:00
Падзеі горада Валожын
-
падрабязней
2 сакавіка 2025 года запрашаем усіх на традыцыйныя штогадовыя масленічныя гулянні ў «Загарадны клуб «Фестывальны»!
Як вядома, першымі веснікамі вясны з'яўляюцца птушкі. Прылятаючы, яны сваім спевам, запрашаюць Вясну. Але Марэна - Багіня зімы, жадаючы падоўжыць сваё кіраванне, зачаравала месца, куды птушкі павінны прыляцець. І ўсім гасцям Фестывальнага трэба будзе разбурыць злыя чары і выратаваць Вясну.
У праграме:
- Чарка і скварка – традыцыйны welcome-drink ад Фестывальнага (першым 500 гасцям);
- Выступленне запрошаных музыкантаў і артыстаў народнага жанру;
- Народныя забавы: «Масленічны слуп», «Кіданне валёнка», «Падыманне гіры»;
- Бліны, аладкі «з запалу са спякоты» і традыцыйныя беларускія стравы і напоі;
- Праца рамесных кропак - гандаль сувенірамі;
- Фаер шоу KRESIVA;
- Запальныя танцы ля вогнішча і спаленне пудзіла!
Час: 2 сакавіка 2024 года