Торфабрыкетны завод ДІТВА

Адкрытае акцыянернае таварыства «Тарфабрыкетны завод ДІТВА» з'яўляецца адным з самых буйных на тэрыторыі Беларусі па здабычы торфу і вытворчасці паліўных брыкетаў, драўнянага вугалю, угнаенняў «Біягумус».

Падчас экскурсіі па прадпрыемстве вы пазнаёміцеся з тэхналогіямі здабычы і перапрацоўкі торфу, з чыгуначнай станцыяй і чыгуначным дэпо. Таксама, на тэрыторыі Вы наведаеце выставу чыгуначнага транспарта, дзе прадстаўлены вагон-сталовая, пажарная цыстэрна на колах і іншы не менш цікавы транспарт. Пасля гэтага, Вас пасадзяць у спецыяльны вагон, які едзе ўздоўж палёў здабычы торфу па вузкакалейным шляху (каля 10 км у адзін бок) і агледзіце вытворчую базу з торфаздабываючай тэхнікай.

Унікальнасць экскурсіі таксама заключаецца ў мясцовасці. Вы зможаце ўбачыць дзеючы пантонны мост, палюбавацца прыгажосцю беларускай прыроды і паназіраць за жыццём птушак і жывёл у іх натуральным асяроддзі. Тут водзяцца качкі ўсіх відаў, чаплі, арланы, лісы і казулі.

раскрыць увесь тэкст