Комплекс езуіцкага калегіума ў Мсціславе

Манастыр езуітаў у Мсціславе быў заснаваны ў 1690 году. У складзе яго захаваліся касцёл Святога Міхаіла Архангела, будынак калегіума, аптэкі, службовыя карпусы, а таксама агароджа і капліцы.

Каменны езуіцкі касцёл Св. Міхаіла Архангела - адна з галоўных дамінант горада, з'яўляецца помнікам барока. Яго будаўніцтва пачалося ў 1730 годзе пры падтрымцы караля Жыгімонта III. Працы ішлі павольна і толькі ў 1748 годзе пад кіраўніцтвам Бенедыкта Мезмера касцёл быў канчаткова дабудаваны.

Пасля падаўлення шляхецкага паўстання 1830 - 1831 гг. будынкі былога манастыра перадалі праваслаўным, касцёл быў зачынены. У 1842 году езуіцкі касцёл рэканструявалі і перарабілі ў праваслаўны Свята-Мікалаеўскі сабор.

У мінулым двухвежавы, ён быў зменены наступнымі перабудовамі: знятыя вежы і цэнтральны франтон; закладзены вокны на галоўным фасадзе; ва ўваходзе зроблена прыбудова. Былая велічнасць і мастацкая выразнасць храма страчаны. Інтэр'ер пакідае вялікае ўражанне: памерам, масіўнасцю апор, лепкай барочнага характару. Злева і справа ад касцёла захаваліся ў скажоным выглядзе калегіум і аптэка.

Пасля Вялікай Айчыннай вайны ў ім знаходзіўся Дом культуры, пасля школа-інтэрнат для глуханямых дзяцей. Сучасная рэканструкцыя гэта яркага помніка архітэктуры пачалася ў 2000 г. аднак, затым з-за недахопу сродкаў працы па аднаўленні спыніліся і не адноўлены па цяперашні дзень. У 2010 г. школа-інтэрнат для глуханямых пераехала ў іншае месца. Зараз будынкі манастыра езуітаў пустуюць.

раскрыць увесь тэкст