ekskursii.by

Экскурсіі па Беларусі - Беларускі экскурсійны партал

Праверыць заяўку

Музей-сядзіба Міцкевічаў «Завоссе»

Замовіць экскурсію
Тып: Палацы і сядзібы, Аб'екты культуры Дата ўтварэння: 1993 - 1998 гг Статус: Регіянальнага значэння Рэспубліка Беларусь, Брэсцкая вобл., Баранавіцкі раён, в. Завоссе

Адам Міцкевіч - польскі паэт, публіцыст, дзеяч нацыянальна-вызвольнага руху Польшчы. Ён з”яўляецца адным з трох найвялікшых польскіх паэтаў эпохі рамантызму разам з Юліюшам Славацкім і Зыгмунтам Красінскім. Аднак у Беларусі Адама Міцкевіча лічаць нацыянальным беларускім пісьменнікам, які ствараў свае творы на польскай мове. Найбольш вядомыя сярод іх - паэмы «Конрад Валенрод», «Дзяды», «Пан Тадэвуш» і многія іншыя.

Фальварак Завоссе - месца, дзе ў ноч перад каталіцкімi калядамі ў 1798 годзе, нарадзіўся Адам Міцкевіч, якому суджана было стаць адным з найвялікшых паэтаў-рамантыкаў у свеце. Тутэйшая зямля цесна звязана з родам Міцкевічаў. Да нараджэння пісьменніка гэта была ўласнасць брата ягонага дзеда, а затым - сестры бацькі. Самі ж бацькі Адама Міцкевіча належалі да саслоўя дробнай літоўскай шляхты і сваёй зямлі не мелі. Бацька пісьменніка быў адвакатам, і з часам сям”я Міцкевічаў пераехала ў Наваградак, так як у горадзе было больш працы.

У сваім першапачатковым выглядзе сядзіба праіснавала да Першай сусветнай вайны. Сёння з часоў А.Міцкевіча на тэрыторыі комплексу захаваліся толькі старая ліпа і невялікая сажалка.

У 1998 годзе да юбілею пісьменніка ў Завоссе, дзе калісьці знаходзілася сядзіба яго сям”і, быў пабудаваны музей. Ён быў выкананы ў стылі тыповага беларускага сялянскага дойлідства. У аснове інтэр”ераў сядзібы ляглі паэма «Пан Тадэвуш», напісаная А.Міцкевічам, і малюнкі Я. Паўловіча, Напалеона Орды, Андрыолi. Дзякуючы гэтаму сёння, знаходзячыся ў музеі-сядзібе можна адчуць дух таго часу і адначасова прасачыць гісторыю жыцця вядомага пісьменніка.

Комплекс «Завоссе» паўтарае планіроўку традыцыйнага шляхецкіх фальварка канца XVIII - пачатку XIX стагоддзяў. У цэнтры знаходзіцца дом, насупраць якога размешчаны амбарэц, хлеў і гумно. Ёсць таксама калодзеж-журавель, пограб і лазня на беразе невялікай сажалкі. У залах дома сядзібы разгорнута літаратурна-дакументальная экспазіцыя «Вяртанне пана Тадэвуша». Яна знаёміць наведвальнікаў з гісторыяй фальварка ў Завоссі дзякуючы адноўленым інтэр”ерам шляхецкага дома.

раскрыць увесь тэкст

Фота - Музей-сядзіба Міцкевічаў «Завоссе»

Размяшчэнне на карце - Музей-сядзіба Міцкевічаў «Завоссе»

Адрас Рэспубліка Беларусь, Брэсцкая вобл., Баранавіцкі раён, в. Завоссе GPS Google: 53.278648′ N, 26.115392′ E