Спаса-Праабражэнская царквы

Спаса-Праабражэнская царква - помнік драўлянага дойлідства, пабудавана ў 1627 годзе як уніяцкі храм, адноўлена ў 1794 годзе, а пасля капітальных змяненняў, ў 1881 г. была пераасвешчана ў праваслаўную царкву. Трыма гадамі пазней да яе была прыбудавана званіца. Храм абшаляваны гарызантальнымі дошкамі.

Інтэр'ер помніка зальны. У іканастасе выкарыстаны фрагменты разнога драўлянага алтара 18 стагоддзя, які тут быў раней. Ён пакрыты нізкарельефным раслінным дэкорам у стылі барока, упрыгожаны драўлянай скульптурай анёлаў, букетамі кветак, пладоў, дэкаратыўнымі вазамі. Наяўнасць гэтага «уніяцкага» афармлення ў дзеючым праваслаўным храме можна лічыць амаль унікальным, паколькі пасля скасавання уніяцтва (1839) пераважная большасць ранейшых святынь была істотна зменена ў адпаведнасці з канонамі праваслаўя.

У царкве захоўваюцца мясцовыя уніяцкія іконы 18 - пачатку 19 стагоддзяў: «Святая Сям'я», «Спас», «Маці Божая з дзіцем», «Пакроў», «Мікалай Цудатворац», алтарныя абраз «Ян Багаслоў» і инш.

раскрыць увесь тэкст