Канстанцінаўскі Касцёл Ушэсця Панны Марыі
Замовіць экскурсіюКасцёл Ушэсця Панны Марыі пабудаваны ў 1896 годзе. Першапачаткова на гэтым месцы ў 1792 годзе быў пабудаваны драўляны касцёл на сродкі Кастуся Хомінскага. Касцёл згарэў у 1812 годзе. У 1820 – 1826 гг. на сродкі Уладзіміра Пашкевіча на тым жа месцы ўзвялі каменны касцёл Маці Божай. У 1896 годзе на сродкі Аляксандра і Ядзвігі Хомінскіх храм пашырылі, тады былі збудаваны і агароджа з уязнымі варотамі.
Касцёл прастакутны ў плане, трехнефный, пакрыты двускатным дахам. Архітэктура вызначана ў строгіх формах, што характэрна для стылю класіцызму. Храм збудаваны з двух будаўнічых матэрыялаў: галоўны фасад, апсіда, унутраныя калоны збудаваны з цэглы і абтынкованы, сцены бакавых фасадаў – са шліфаванага бутавага каменя. Гэта стварае цікавую каляровую гаму, надае адметныя рысы.
Інтэр”ер храма багата дэкараваны драўлянай разьбой. Цэнтрам кампазіцыі інтэр”еру з”яўляецца драўляны алтар, дэкараваны дзвюма калонамі іянічнага ордара. Паміж калонамі, у цэнтры алтара, выява «Маці Божай з дзіцем». Справа і злева ад алтара размешчаны два ківоты з абразамі, намаляванымі на дрэве: «Георгій Пераможца» (злева) і «Матка Божая Астрабрамская» (зправа). Амбон таксама дэкараваны драўлянай разьбой. У касцёле поруч алтара вісіць мармуровая дошка з надпісам, што тут пахавана Сафія Пашкевіч (1792 – 1820) – жонка Уладзіміра Пашкевіча, які пабудаваў гэты касцёл. За алтарнай сцяной поруч касцёла пахаваны Станіслаў Хомінскі (1804 – 1886 гг.) і яго жонка Ева – Ганна – Марыя (1822 – 1904 гг). У храме ёсць арган.
Тэрыторыя вакол касцёла абнесена агароджай з бутавага каменя, насупраць галоўнага фасада ў агароджы размешчаны трохпралетныя вароты.
раскрыць увесь тэкст