Дзітва

Дзітва - аграгарадок у Лідскім раёне Гродзенскай вобласці на захадзе Беларусі. Аграгарадок размешчаны за 178 км ад горада Мінска, за 110 км ад горада Гродна і за 12 км ад горада Ліда. Недалёка ад аграгарадка размешчана дарога М6 (Мінск - Гродна - мяжа Рэспублікі Польшча (Брузгі). Паміж Дзітвай і Лідай арганізаваныя транспартныя зносіны, штодня курсуюць чатыры рэйсы аўтобусаў мясцовага аўтапарка № 2 і адзінаццаць рэйсаў маршрутнага таксі.

Дзітва была ўтворана ў 1970 годзе, калі для размяшчэння работнікаў торфаздабываючага прадпрыемства быў закладзены рабочы пасёлак. Да 1978 года Дзітва ўваходзіла ў склад Крупаўскага сельсавета. З 2006 года рабочы пасёлак атрымаў статус аграгарадка.

На тэрыторыі аграгарадка Дзітва знаходзяцца адно з найбуйнейшых торфаперапрацоўчых прадпрыемстваў рэспублікі - ААТ «торфабрыкетны завод «Дзітва», філіял СМТ «Белпалівабуд» СМУ № 2, малочна-таварная ферма «кульбакі», чатыры фермерскія гаспадаркі, краязнаўчы музей «Сялянская сядзіба канца XIX – пачатку XX стагоддзя» ДУА «Дзітвянская сярэдняя школа» і Музей вузкакалейнай тэхнікі.

Развіта і сацыяльная інфраструктура аграгарадка: Дзітвянская сярэдняя школа, дзіцячы цэнтр развіцця дзіцяці, філіял музычнай школы, філіял СДЮШАР № 3, дзве крамы і закусачная Лідскага філіяла Гродзенскага аблспажыўтаварыства, 2 прыватныя крамы, лазня, Дом культуры, бібліятэка, медычная амбулаторыя, аптэка, аддзяленне паштовай сувязі, комплексны прыёмны пункт, два інтэрнаты, гасцініца, касцёл і царква.

Адно з буйных торфаперапрацоўчых прадпрыемстваў рэспублікі-ААТ «торфабрыкетны завод «Дзітва», - мабыць, і апярэдзіла з'яўленне маладога пасёлка. Ён быў закладзены ў 1966 годзе. А ў 1972 годзе была пачата здабыча торфу ў тарфяным радовішчы «Бярэзіна».