Ставок

Ставок - вёска ў Пінскам раёне Брэсцкай вобласці, цэнтр Ставакаўскага сельскага савета. Ставок знаходзіцца ў 9 км на поўнач ад цэнтра Пінска. Праз вёску праходзіць аўтадарога Р6 (Пінск - Івацэвічы) паўднёвей вёскі знаходзіцца развязка гэтай дарогі з магістраллю М10 (Брэст - Гомель). Мясцовасць належыць да басейна Дняпра, праз вёску працякае невялікая рака Мерачанка, прыток Ясельды. Да вёскі Ставак непасрэдна прылягаюць яшчэ некалькі невялікіх вёсак - Красіева, Чэнчыцы і Рудавін.

Царква Узнясення. Пабудавана ў 1855 годзе. Помнік драўлянага дойлідства. Царква ўлучана ў Дзяржаўны спіс гісторыка-культурных каштоўнасцяў Рэспублікі Беларусь.
Помнік землякам, загінулым у Вялікую Айчынную вайну. У 1985 годзе ўсталяваны абеліск.