ekskursii.by

Экскурсіі па Беларусі - Беларускі экскурсійны партал

Праверыць заяўку

Карэліцкі краязнаўчы музей

Замовіць экскурсію
Тып: Краязнаўчы Выставачныя экспазіцыі: 9 Размяшчэнне: Карэлічы, Гродзенская вобласць

Карэліцкі краязнаўчы музей быў створаны згодна з рашэннем Карэліцкага раённага камітэта КПБ 23 мая 1969 года як раённы музей народнай славы. У 1972 годзе выдзелены будынак для гісторыка-краязнаўчага музея. Першая экспазіцыя была адкрыта 29 чэрвеня 1974 года да 30-годдзя вызвалення Беларусі ад нямецка-фашысцкіх захопнікаў. Цяперашняя экспазіцыя музея адкрыта 4 чэрвеня 1995 г. да 600-годдзя са дня першага згадвання аб Карэлічах ў пісьмовых крыніцах. Музей удастоены Граматы ад упраўлення культуры Гродзенскага аблвыканкама як Пераможца абласнога конкурсу "Лепшая ўстанова культуры 2004 года".

Музей складаецца з аднаго галаўнога будынку, дэманстрацыйная плошча залаў якога 184 м2. Колькасць пастаянных экспазіцый у музеі: 1, часовых/перасоўных экспазіцый: няма. Агульная колькасць музейных прадметаў: 10 419, з іх асноўнага фонду: 7 444, навукова-дапаможнага: 2 975.

У музеі праводзіцца навукова-даследчая праца па наступных тэмах: адкрыццё новых імёнаў знакамітых землякоў, вывучэнне новых фактаў у гісторыі раёна і горада, гісторыя цэркваў на Карэліччыне, гісторыя ўзнікнення і развіцця прадпрыемстваў раёна, распрацоўка ТЭП і экскурсаў да выстаў, збор новых матэрыялаў згодна з планам камплектавання, творчая сувязь з навукоўцамі, пісьменнікамі, праца ў Нацыянальным архіве па зададзеных тэмах, распрацоўка навуковай канцэпцыі дзейнасці музея, складанне навуковых пашпартоў прадметаў.

Музей штогод прымае ўдзел у культурна-масавых мерапрыемствах: Карэліцкія краязнаўчыя чытанні, Сустрэча з удзельнікамі Вялікай Айчыннай вайны, Сустрэча з вядомымі землякамі, Прэзентацыі выстаў, лекцыі і штотыднёвыя музейныя заняткі.

Фота - Карэліцкі краязнаўчы музей

    Экспазіцыі - Карэліцкі краязнаўчы музей

    1. Археалогія Каменная сякера, прадметы з раскопак, якія праводзіліся ў г.п. Мір і Мірскім замку. Прылады працы, прадметы побыту, кераміка, шкло, кафель.
    2. Прадметы побыту і этнаграфіі Адзенне, абутак, тэхніка, мэбля, посуд, музычныя інструменты.
    3. Нумізматыка Манеты рознага часу, грошы, каштоўныя паперы, значкі, ордэны і медалі.
    4. Фотадакументы Фотаздымкі, фотаальбомы, відэакасеты, кінадакументы.
    5. Друкаваныя выданні і рукапісы Газеты, кнігі, брашуры, буклеты, лісты.
    6. Дакументы Асабістыя дакументы, дыпломы, граматы.
    7. Мастацтва Жывапіс, графіка, скульптура, дэкаратыўна-прыкладное мастацтва. Карціны мясцовых мастакоў, разьба па дрэве, плакаты, вышыўка, вязанне, абразы.
    8. Зброю Халодная і агнястрэльная зброя, боепрыпасы.
    9. Біялогія Пудзілы жывёл і птушак, муляжы грыбоў, калекцыі матылькоў, гербарый.

    Графік працы Карэліцкі краязнаўчы музей

    Размяшчэнне на карце - Карэліцкі краязнаўчы музей

    Адрас 231430, Рэспубліка Беларусь, Гродзенская вобл., г.п. Карэлічы, вул. Савецкая, д. 19 GPS Google: 53.555096′ N, 53.555096′ E