Навіны: Мерапрыемства «Гуканне вясны» ў Строчыцах.
Мерапрыемства «Гуканне вясны» ў Строчыцах.
22-Сакавiка-2022Строчыцы - музей народнай архітэктуры і побыту запрашае Вас наведаць імпрэзу «Гуканне вясны» 26 сакавіка 2022 года. Вы зможаце вырабіць сабе прыгожую птушку – сімвал прыходу вясны, паслухаць традыцыйныя вясновыя песні ад фальклорных калектываў, паўдзельнічаць у вясновых абрадах, павадзіць карагоды, патанчыць беларускія танцы!
«Гуканне вясны» – старажытнае свята, звязанае з абуджэннем прыроды і выкліканнем вясны. Людзі стараліся праводзіць яго шумна, урачыста і весела, бо ад гэтага залежаў іх дабрабыт. Свята адбудзецца 26 сакавіка 2022 года з 14:00 да 15:30.
На мерапрыемстве Вас чакае:
- выступленне фальклорнага калектыву;
- абрад «Гуканне вясны»
- майстар-клас па беларускіх танцах і гульнях;
- майстар-клас па вырабе птушак;
- майстар-клас па «маляванцы на шкле»;
- выстава гліняных птушак з калекцыі музея (у помніку «Школа»);
- спаленне кола на плыце!
Абавязкова наведайце мерапрыемства «Гуканне вясны» і бавіце час з задавальненнем!
Наведаць імпрэзу «Гуканне вясны» Вы можаце ў рамках экскурсіі «Строчыцы», адправіць заяўку на якую можна ўжо зараз.