VIII Парад эстрадных аркестраў ў Гродна

VIII Парад эстрадных аркестраў ў Гродна

VIII Парад эстрадных аркестраў адбудзецца ў Гродна 19-20 лістапада. На сцэне канцэртнай залы Гродзенскай абласной філармоніі будзе гучаць эстрадная і джазавая музыка, у тым ліку і беларускіх аўтараў. У парадзе аркестраў прымуць удзел шэсць калектываў, у тым ліку сталічных.
19 лістапада на сцэне філармоніі сваё мастацтва прадставіць гледачам сталічны ансамбль традыцыйнага джаза "Рэнесанс", а таксама духавы аркестр Лідскай музычнай вучэльні і аркестр Гарадзенскага музычнага каледжа.
20 лістапада выступіць з канцэртам Эстрадны аркестр Гродзенскай філармоніі пад кіраўніцтвам Барыса Мягкова . У гэты жа дзень на сцэне адыграюць эстрадны аркестр "Капрыз" Гарадзенскага дзяржуніверсітэта і вядомы джазавы калектыў з Менска "Яблычная гарбата". Канцэрт будзе прысвечаны 110-годдзю са дня нараджэння Дзюка Элінгтона.