Нарач

Курортны пасёлак Нарач размешчаны ў Мядзельскім раёне Мінскай вобласці на паўночна-заходнім беразе найбуйнейшага ў Рэспубліцы Беларусь возера Нарач. Гэта ўнікальны рэгіён з цудоўнай прыродай, спрыяльным кліматам, крыніцамі мінеральных вод, якія сталі галоўным фактарам для фарміравання тут курорта нацыянальнага значэння. Курортны пасёлак Нарач, якія адзіны ў Беларусі мае такі статус, з'яўляецца яшчэ і адміністрацыйным цэнтрам Нацыянальнага парка «Нарачанскі».

Пасёлак знаходзіцца прыкладна ў 18 км ад г. Мядзеля, цэнтра раёна, і ў 140 км ад г. Мінска, дарога ад якога да курорта зойме крыху больш за паўтары гадзіны. У 4 км ад курортнага пасёлка размешчана аднайменная вёска Нарач.

Курортны пасёлак Нарач быў утвораны 27 кастрычніка 1964 г. паводле рашэння Мінаблвыканкама на месцы вёсак Купа, Урлікі, Сцепянёва, якія яшчэ ў пачатку XX ст. лічыліся невялікімі рыбацкімі селішчамі. Аднак яго курортная складаючая стала фармавацца значна раней - раён возера Нарач вельмі прыцягваў палякаў, якім належаў рэгіён да пачатку Другой Сусветнай вайны. Менавіта яны пабудавалі на яго беразе прычал для яхт, а таксама некалькі баз адпачынку. У 1937 г. фактычна да пасёлка Купа была пракладзена вузкакалейная чыгунка да станцыі Свянцяны.
Падчас Вялікай Айчыннай вайны ўсе гэтыя пабудовы былі разбураны, але ўжо ў 1946 г. улады актыўна заняліся вывучэннем рэгіёну з мэтай будаўніцтва бальнеялагічнага курорта. Спачатку гэта былі летнія домікі, дачы і намётавыя лагеры, у 1964 г. быў адкрыты дом адпачынку «Нарач», а ў 1969 г. самы вядомы ў Беларусі дзіцячы аздараўленчы лагер - «Зубраня». Да канца 80-х гг. ХХ в. тут сфармавалася адзіная ў Рэспубліцы Беларусь курортная зона са складанай інфраструктурай.
28 ліпеня 1999 г. для вырашэння прыродаахоўных задач быў створаны Нацыянальнага парка «Нарачанскі», адміністрацыя якога размешчана ў курортным пасёлку Нарач.

Жамчужына Беларусі і, адпаведна, галоўная каштоўнасць курортнага пасёлка - возера Нарач. Гэта не толькі самы вялікі натуральны вадаём у Беларусі, але і цэнтр курортнага жыцця краіны. Чыстая вада, багатыя рыбныя рэсурсы, маляўнічыя пейзажы і крыніцы лячэбнай мінеральнай вады штогод прыцягваюць сюды дзесяткі тысяч турыстаў з Беларусі, Расіі, краін блізкага і далёкага замежжа.

На беразе возера Нарач сфарміравана сапраўдная курортная зона з развітай і разнастайнай інфраструктурай. Асноўныя яе аб'екты размешчаныя ў цэнта пасёлка, былой вёсцы Купа. Тут знаходзіцца санаторый «Нарочь», адміністрацыя нацыянальнага парку, сучасная гасцініца «Нарач», мноства крам, бары і рэстараны. Недалёка ад цэнтра курортнага пасёлка ў акружэнні лесу пабудаваныя санаторыі высокага ўзроўню «Прыазёрны», «Спадарожнік», «Нарачанка». Тут акрамя сучаснай медыцынскай базы да паслуг гасцей - боўлінг, більярд, дыскатэкі, некалькі буйных басейнаў з саунамі, СПА-цэнтры.

Паколькі асноўная спецыялізацыя курорта - гэта аздараўленне і экалагічны турызм буйных славутасцяў ў пасёлку няма, захаваўся толькі парк, закладзены ў XIX ст. Асаблівую значнасць мае Музей прыроды Нацыянальнага парку «Нарачанскі», недалёка ад курортнага пасёлка можна наведаць унікальны эт­накультур­ны комплекс «Наносы-Наваселле», а таксама Андреевский костел и Іллінская царква ў вёске Нарач.
Імклівае развіццё турысцкай інфраструктуры, сферы аздараўлення і індустрыі забаў, прыродаахоўныя мерапрыемствы ўмацоўваюць папулярнасць курорта Нарач і курортнага пасёлка Нарач на нацыянальным узроўні.