Экскурсія Сакрэты Глыбокага: таемныя склепы і дэгустацыя фермерскіх сыроў

Гістарычную частку горада Глыбокае фармуе маляўнічы сілуэт кляштарнага комплексу, які ўключае ў сябе будынак былога касцёла, кляштара і брамы. Кармеліцкі касцёл у Глыбокім - гэта, бадай, першы матэрыялізаваны прыклад стылю «віленскае» барока ў Беларусі. У пакоях кляштара 18 ліпеня 1812 года спыніўся Напалеон. Прабыўшы ў Глыбокім 10 дзён, французскі імператар, каб аддзячыць кармелітаў за гасціннасць, загадаў аднаму з сваіх прыдворных прынесці цэлую талерку манет наполеандараў у падарунак настаяцелю манастыра і выказаў яму сваё захапленне прыгажосцю мясціны і яе наваколля. Запрашаем і Вас натхніцца мясцовымі прыгажосцямі.

Касцёл міжволі прыцягвае да сябе ўвагу кожнага сваімі ажурнымі вежамі. На гэтым месцы яшчэ ў 1628 годзе Іосіф Корсак заклаў драўляны касцёл. Размяшчаючыся на гары, ён быў добра бачны жыхарам навакольных вёсак. Падчас Трынаццацігадовай вайны (1654-1667 гг.), калі на Глыбокае напалі рускія войскі, касцёл згарэў, але быў зноў адбудаваны. У 1764 годзе струхлелы храм разабралі, і на яго месцы да 1782 годзе выбудавалі мураваны касцёл у стылі позняга барока. Першапачаткова прызначаны для кругавога агляду сваім месцазнаходжаннем на высокім пункце плошчы, касцёл ўспрымаецца як стылістычна скончаная скульптурная кампазіцыя.

Атрымаць асалоду ад прыроды і яе дароў, выдатна правесці час і дапоўніць экскурсію багатымі ведамі гісторыі - усё гэта пра Арт-Хутар «МАЙСТАРАВЫЯ» Сяргея і Марыі Ткачовых. Гаспадары сядзібы - майстры сваёй справы, яны робяць цуды з лазой, глінай і з радасцю акунуць Вас у гісторыю вырабу традыцыйнага беларускага сыру. За ўсім можна паназіраць, а галоўнае: паўдзельнічаць і паспрабаваць! Тут Вы прыемна праведзяце час на свежым паветры, пазнаёміцеся з гісторыяй рэканструкцыі сыроў, прадэгустуеце ўнікальны фермерскі прадукт, зможаце замовіць сытны абед у беларускім стылі і проста адпачыць душой.