Навіны: Святкаванне Масленіцы ў Строчыцах

Музей народнай архітэктуры і побыту Строчыцы запрашае 22 лютага 2015 на святкаванне традыцыйнага свята развітання з зімой - Масленіцу!

У музеі пад адкрытым небам Вас чакаюць вясёлыя масленічныя гулянні і забавы, канцэртная праграма з народнымі песнямі і танцамі ад фальклорных калектываў, майстар-клас па стварэнні масленічнай лялькі-абярэга, анімацыйная праграма, народныя атракцыёны і віктарыны, лялечны тэатр «Батлейка». Аматары спаборніцтваў змогуць прыняць удзел у конкурсе «Масленічная лялька-2015», а пры наяўнасці снегу і дарослыя і дзеці запрашаюцца на пацешны конкурс па лепцы арыгінальнай і цікавай снежнай скульптуры. У завяршэнні праграмы адбудзецца рытуальнае спальванне чучала зімы - Марэны.

Падчас мерапрыемства Масленіца кожны зможа пазнаёміцца з экспазіцыяй музея, зрабіць незабыўныя фатаграфіі, набыць арыгінальныя сувеніры народных майстроў, а таксама паспытаць шчодрыя масленічныя пачастункі - гарачыя бліны з разнастайнымі начынкамі, чай і кава.

Запрашаем арганізаваныя групы і індывідуальных турыстаў 22 лютага ў 12.30 у Музеі народнай архітэктуры і побыту Строчыцы. Адправіць заяўку на браніраванне месцаў Вы можаце са старонкі інтэрнэт-партала Ekskursii.by або перайшоўшы па спасылцы Адправіць заяўку.