Экскурсія Кушляны - Солы - Астравец - Гервяты - Варняны - Міхалішкі

На Гарадзеншчыне, у мястэчку Кушляны, у 1896 годзе пабудаваў уласную хату Францішак Багушэвіч. Ён уклаў у яе душу і правёў тут апошнія гады жыцця. Менавіта тут, гуляючы па пакоях паэта, Вы даведаецеся пра яго вялікую асобу. Тут вы пачуеце пра першыя яго паэтычныя складанкі: «Дудка беларуская», «Смык беларускі» - такія простыя назвы, але такі глыбокі сэнс. Гэта вельмі атмасфернае месца захавала для нас саму хату, каменную адрыну, альтанку. Паэта помняць і прысад парка, пасаджанага яго рукамі і камень схоў. Схоў, які захоўваў рукапісы на роднай мове, пісаць на якой было забаронена. Помняць паэта-адваката і мясцовыя жыхары, якія разам з прыхільнікамі на камені-схове пакінулі надпіс: «Памяцi Мацея Бурачка. 1900 г.»

Вельмі эфектнае аблічча касцёла, безумоўна, робіць уражанне. Асіметрычны і хупавы - ён не падобны ні на адзін іншы храм. Грацыёзнае і элегантнае ўвасабленне стылю мадэрн. Зазірнем унутр - вельмі нетрывіяльныя фрэскавыя сюжэты не пакінуць Вас абыякавымі. Абарона Яснагорскага манастыра ў Чэнстахове ў 1655 годзе падчас уварвання шведаў на тэрыторыю Рэчы Паспалітай і «Цуд над Віслай» з савецка-польскай вайны 1919- 1921 гг. А ці ведаеце Вы, дзе была падпісана дамова аб перамір'і паміж Нямеччынай і тады ўжо Савецкай Расеяй? Сардэчна запрашаем у Солы.

Касцёл Святых Космы і Даміяна — адзін з значных каталіцкіх храмаў Беларусі, размешчаны ў горадзе Астравец, Гродзенская вобласць. Ён адносіцца да Астравецкага дэканата Гродзенскай дыяцэзіі і з'яўляецца помнікам архітэктуры ў стылі класіцызм. Пабудаваны ў 1785—1787 гадах, касцёл уключаны ў Дзяржаўны спіс гісторыка-культурных каштоўнасцяў Рэспублікі Беларусь.

Каталіцкі прыход у Астраўцы быў заснаваны яшчэ ў 1458 годзе. У пачатку XVII стагоддзя горад стаў уласнасцю роду Корсакаў, якія ў 1616—1618 гадах узвялі тут манастыр дамініканцаў і драўляны храм. Праз два стагоддзі, у 1785—1787 гадах, на месцы старога драўлянага касцёла было пабудавана каменнае збудаванне, што захавалася да нашых дзён.

Варняны - па-свойму дзіўнае мястэчка. Уся цэнтральная яго плошча - унікальны архітэктурны ансамбль XVIII - XIX стагоддзяў. А цэнтральнае ўпрыгожанне гэтай плошчы, безумоўна, Георгіеўскі касцёл. Пабудаваны яшчэ ў сярэдзіне XVIII стагоддзя, ён з'яўляецца выдатным прадстаўніком стылю барока. Асноўны мастацкі акцэнт зроблены на галоўным фасадзе - на «твары» храма. Вытанчаны і ажурны яго сілуэт, пэўна, варты ўвагі.

Дзень пры дні касцёл Святога Мiхаiла Арханёла вабіць аматараў вытанчанай архітэктуры. Зірніце на фота: строгае, недзе нават аскетычнае, вонкавае аблічча храма імітуе ваяўнічы твар сярэднявечнага замка. Але мае сэнс зазірнуць унутр - Вас уразіць кантраст і багатыя на ляпніну інтэр'еры. Гэта першы на тэрыторыі Беларусі храм у стылі «сармацкага» барока, пабудаваны па праекце бельгійскага архітэктара Крыштафа Пенса. Які, дарэчы, заснаваў цэлую дынастыю архітэктараў і дэкаратараў у Вялікім княстве Літоўскам. А асветлены храм у гонар галоўнага апекуна вялікакняскіх зямель - Міхала Арханёла.

Троіцкі касцёл у Гервятах — сапраўдны шэдэўр неагатычнай архітэктуры. Высокія вежы, вітражы і вытанчаныя скульптуры ствараюць атмасферу сярэднявечнай Еўропы. Гэты ўнікальны храм акружаны маляўнічым паркам, дзе можна прагуляцца і зрабіць яркія фота.